اردو ورلڈ کینیڈا ( ویب نیوز)شہری سستے آٹے کے حصول کے لیے ترس گئے، سرکاری سکیم کے تحت دکانوں پر سستے آٹے کی فراہمی طلب کے مقابلے انتہائی کم جبکہ پرائیویٹ آٹا من مانی قیمتوں پر فروخت کیا جا رہا ہے۔
شہریوں کے مطابق انہیں ایک شناختی کارڈ پر آٹے کا ایک تھیلا دیا جاتا ہے، مارکیٹ میں آٹے کا 15 کلو کا تھیلا 1900 روپے سے زائد میں دستیاب ہے، کھلا سرخ آٹا 120 روپے، سفید فائن آٹا 140 روپے فی کلو۔ اور اچھا آٹا 160 روپے کا فی کلو فروخت ہورہا ہے
لوگوں کا کہنا ہے کہ سرکاری اسکیم کے تحت فراہم کیے جانے والے آٹے کا معیار بھی ناقص ہے۔ لاہور میں متحدہ نان روٹی ایسوسی ایشن نے 16 جنوری سے نان اور سادہ روٹی کی قیمتوں میں اضافے کا اعلان کیا ہے۔
ایسوسی ایشن کے عہدیداروں کا کہنا ہے کہ مل اور فائن فلور کی قیمتوں میں اضافے کے خلاف وہ 12 جنوری کو پنجاب بھر میں ہڑتال بھی کریں گے کیونکہ آٹے کی قیمتیں تاریخ کی بلند ترین سطح پر پہنچ گئی ہیں۔
آٹا مہنگا ہونے کے باعث غریب لوگوں کی کمر توٹ گئی ہے گزشتہ روز بھی ایک شخص آٹے کے حصول کے لئے
اپنی جان سے ہاتھ دھوبیٹھا یہ ملک کیلئے اچھا شگون نہیں حکمرانوں کو عوام کو ریلیف دینے کے لئے ٹھوس اقدامات کرنے کی ضرورت ہے ورنہ صرف باتوں سے اب کام نہیں چلے گا
لوگوں میں غصہ بڑھ رہا ہے ۔حکومت میں موجود لوگوں کو عوام کے بارے میں سوچنا ہوگا۔
یہ خبربھی پڑھیں
