اسمتھ نے ہفتے کے روز اپنے صوبہ گیر ریڈیو شو میں بتایا کہ ترکی سے 2022 میں ادویات کی عالمی قلت کے دوران تقریباً 1.4 ملین بوتلیں 70 ملین ڈالر میں خریدی گئی تھیں لیکن ان میں سے بڑی مقدار اس سال ضائع ہونے سے بچانے کے لیے جنگ زدہ ممالک کو عطیہ کرنی پڑی فرنٹ لائن ہیلتھ اسٹاف نے بھی کہا تھا کہ یہ دوا زیادہ گاڑھی ہونے کی وجہ سے فیڈنگ ٹیوبز کو بند کرنے کا خطرہ رکھتی ہے

انہوں نے کہا کہ اس صورتحال نے حکومت کو سوچنے پر مجبور کیا کہ آخر اور کیا ضائع ہو رہا ہے عوام بھی اس بات پر بہت ناراض تھے کہ تقریباً 20 ملین ڈالر کی دوا ضائع گئی اسمتھ کے مطابق حکومت نے یہ فیصلہ ٹیکس دہندگان کے پیسے بچانے کے لیے کیا ہے

صوبائی حکومت نے تصدیق کی ہے کہ کووِڈ-19 ویکسین کی قیمت 100 ڈالر رکھی گئی ہے تاہم ہیلتھ کیئر ورکرز کچھ بزرگ اور وہ افراد جنہیں دل یا پھیپھڑوں سمیت دیگر سنگین بیماریاں لاحق ہیں ان سے یہ فیس نہیں لی جائے گی اور وہ یکم اکتوبر سے ویکسین کے لیے اپوائنٹمنٹ بک کرا سکیں گے دیگر شہریوں کو تین ہفتے بعد پیسے دے کر ویکسین لگوانا ہوگی

ابتدائی منصوبے میں ہیلتھ کیئر ورکرز سے بھی فیس وصول کرنے کا فیصلہ تھا مگر یونین کے دباؤ پر حکومت نے یہ پالیسی تبدیل کی ویکسین اب فارمیسیوں کی بجائے صرف سرکاری ہیلتھ کلینکس میں دستیاب ہوگی

البرٹا کی حکومت پر تنقید کی جا رہی ہے کہ دیگر تمام کینیڈین صوبوں میں کووِڈ ویکسین مفت دی جا رہی ہے لیکن یہاں عوام سے فیس وصول کی جا رہی ہے ماہرینِ صحت نے اس پالیسی کو غیر ذمہ دارانہ قرار دیتے ہوئے کہا ہے کہ اس سے ویکسین لگوانے میں رکاوٹیں بڑھیں گی اور صحت کے اخراجات مزید بڑھیں گے۔

اسمتھ نے کہا کہ یہ اقدام ایک "ٹرائل رن” ہے کیونکہ پہلی بار وفاقی حکومت نے ویکسین کی لاگت اٹھانے سے انکار کیا ہے اور ان ویکسینز کی محدود شیلف لائف ضائع ہونے کے خطرات کو بڑھا دیتی ہے انہوں نے دعویٰ کیا کہ پچھلے تین سال میں 284 ملین ڈالر مالیت کی ویکسین ضائع ہو چکی ہے حکومت اب یہ بھی شفاف طریقے سے بتائے گی کہ کتنی ویکسین استعمال نہیں ہوئی اور ضائع کرنی پڑی۔

البرٹا کے شہری 30 ستمبر تک اپنی کووِڈ ویکسین اور فلو شاٹ آن لائن پری آرڈر کر سکتے ہیں تاہم فلو ویکسین بدستور مفت فراہم کی جائے گی کیونکہ اسمتھ کے مطابق یہ بچوں اور بزرگوں دونوں کے لیے زیادہ خطرناک ثابت ہو سکتی ہے جبکہ کووِڈ زیادہ تر پہلے سے بیمار اور عمر رسیدہ افراد کے لیے زیادہ نقصان دہ ہے۔

اپوزیشن این ڈی پی اور مختلف ویکسین کے حامی گروپس نے مطالبہ کیا ہے کہ حکومت فری ویکسین کی سہولت کا دائرہ مزید وسیع کرے تاکہ زیادہ سے زیادہ لوگ اس سے مستفید ہو سکیں۔