اقوام متحدہ کے مطابق ہلاک ہونے والوں میں اقوام متحدہ کے امن مشن کے دو اہلکار بھی شامل ہیں۔جاں بحق اہلکاروں میں ایک پاکستانی اور ایک گھانا کا شہری شامل ہے، امن مشن کے 4 اہلکار زخمی بھی ہوئے۔رپورٹ کے مطابق ابی میں امدادی سرگرمیوں کے دوران امن مشن کے اہلکار فائرنگ کی زد میں آ گئے۔
پاک فوج کے شعبہ تعلقات عامہ (آئی ایس پی آر) کے مطابق حملے کے وقت پاکستانی امن دستوں کا قافلہ 2 مریضوں کو اسپتال لے جا رہا تھا۔ پاکستانی امن دستوں نے موثر جواب دیا اور عسکریت پسندوں کو پسپائی پر مجبور کر دیا۔آئی ایس پی آر کے مطابق فائرنگ کے تبادلے میں سپاہی محمد طارق شہید ہو گئے۔واضح رہے کہ ابی 2011 میں جنوبی سوڈان کی آزادی کے بعد سے ایک متنازع سرحدی علاقہ رہا ہے۔