اردوورلڈ کینیڈا ( ویب نیوز )محکمہ موسمیات نے ملک کے مختلف اضلاع میں بارش کی پیش گوئی کی ہے جب کہ پنجاب اور خیبرپختونخوا کے بیشتر اضلاع میں موسم گرم اور مرطوب رہے گا۔
محکمہ موسمیات کا کہنا ہے کہ آج ملک کے میدانی علاقوں میں موسم گرم اور مرطوب رہے گا تاہم اسلام آباد میں تیز ہواؤں کے ساتھ بادل برسنے کا امکان ہے۔

محکمہ موسمیات کے مطابق خیبرپختونخوا اور پنجاب کے بیشتر اضلاع میں موسم گرم اور مرطوب رہے گا تاہم چترال، بنیر، مانسہرہ، بالاکوٹ، خیبر، کوہاٹ، وزیرستان، مری، گلیات، راولپنڈی، میں بارش ہو گی۔ اٹک، جہلم، چکوال، میانوالی اور سرگودھا میں بارش متوقع ہے
محکمہ موسمیات نے کہا ہے کہ آج بلوچستان کے بیشتر علاقوں میں موسم گرم اور مرطوب رہے گا جب کہ گلگت بلتستان اور کشمیر میں مطلع جزوی طور پر ابر آلود اور تیز ہواؤں کے ساتھ بارش کا امکان ہے۔

دوسری جانب کراچی میں آئندہ 24 گھنٹوں کے دوران مطلع جزوی طور پر ابر آلود رہے گا اور بوندا باندی کا بھی امکان ہے۔
محکمہ موسمیات کے مطابق کراچی میں گزشتہ 24 گھنٹوں کے دوران کم سے کم درجہ حرارت 26.9 ڈگری سینٹی گریڈ ریکارڈ کیا گیا، شہر قائد کا زیادہ سے زیادہ درجہ حرارت 31 سے 33 ڈگری تک جانے کا امکان ہے۔
کراچی میں جنوب مغربی سمت سے 20 سے 30 کلومیٹر فی گھنٹہ کی رفتار سے ہوائیں چل رہی ہیں جس میں ہوا میں نمی کا تناسب 62 فیصد ریکارڈ کیا گیا ہے۔