اردو ورلڈ کینیڈا ( ویب نیوز )  یونیورسٹی آف شکاگو کے ماہرین نے ایک ایسا بلڈنگ میٹریل بنایا ہے جو مالیکیولر لیول پر کام کرتا ہے جو موسم کے گرم اور سرد ہوتے ہی رنگ بدل کر گرمی کو جذب کرے گا یا چھوڑ دے گا۔

گرمی کے دنوں میں یہ عمارت سے 92 فیصد گرمی خارج کر کے ہوا میں واپس کر دے گا جس سے نہ صرف عمارت ٹھنڈی رہے گی بلکہ ایئر کنڈیشننگ کا بل بھی کم ہو جائے گا۔

یہ بھی پڑھیں

سونامی پیدا کر کے پورا ملک تباہ کرنیوالا بم تیار

دوسری طرف سرد موسم میں یہ اطراف سے گرمی کا صرف 7% جذب کرے گا۔ تاہم، یہ یقینی طور پر عمارت کو گرم رکھنے میں مددگار ثابت ہوگا۔ یونیورسٹی میں مالیکیولر انجینئرنگ کے ایسوسی ایٹ پروفیسر پو چن سو اور ان کے ساتھیوں نے یہ کم لاگت اور کارآمد مواد بنایا ہے۔جو نہ صرف توانائی کی بچت کرے گا بلکہ عمارتوں کے کولنگ اور ہیٹنگ سسٹم کو بھی ماحول دوست بنائے گا۔

سائنسی جریدے نیچر میں شائع ہونے والی رپورٹ کے مطابق یہ مواد غیر آتش گیر اور تمام نقصان دہ کیمیکلز سے پاک ہے۔ گرمی باہر بھیجتا ہے۔دلچسپ بات یہ ہے کہ دونوں حالتوں میں یہ اپنی نوعیت کو تیزی سے بدلتا ہے اور بار بار دھاتی یا مائع حالت میں بدل جاتا ہے، اس طرح مجموعی طور پر 1800 مرتبہ یہ گرم سردی کے چکر سے گزر سکتا ہے۔

اگلے مرحلے میں ماہرین نے 15 امریکی ریاستوں میں کمپیوٹر ماڈل کے ذریعے اس کی تاثیر کا اندازہ لگایا ہے۔ اس کا وسیع اثر عمارتوں میں دیکھا جا سکتا ہے۔ سائنسدانوں کے مطابق اس مواد کی صرف 6 سینٹی میٹر کی تہہ اس کے مکمل اثرات دکھانے کے لیے کافی ہوگی۔