اردو ورلڈ کینیڈا ( ویب نیوز ) سنوکر چیمپئن محمد آصف نے وزیر اعظم شہباز شریف سے ملاقات کی اور انہیں سارک چیمپئن شپ جیتنے پر مبارکباد دی۔
ملاقات کے دوران وزیر اعظم محمد شہباز شریف نے سنوکر چیمپئن محمد آصف کو سری لنکا میں حال ہی میں منعقدہ سارک سنوکر چیمپئن شپ جیتنے پر مبارکباد دی اور انعامی چیک بھی پیش کیا۔ وزیراعظم شہباز شریف نے محمد آصف سے بات کرتے ہوئے کہا کہ نوجوان پاکستانی کھلاڑی اپنی صلاحیتوں سے ملک اور قوم کو دنیا بھر میں مشہور کر رہے ہیں۔. آپ نے پاکستان کو سنوکر کی دنیا میں مشہور کر دیا ہے اور پوری قوم کو آپ پر فخر ہے۔
وزیر اعظم نے کہا کہ تین بار ورلڈ امیچور سنوکر چیمپئن شپ اور تین بار سارک سنوکر چیمپئن شپ جیت کر آپ نے پوری دنیا میں اپنی لاحیتوں کو ثابت کیا ہے۔ حکومت پاکستانی کھلاڑیوں کو سہولیات فراہم کرنے کے لیے ہر ممکن قدم اٹھا رہی ہے۔اس موقع پر سنوکر کے چیمپیئن محمد آصف نے قومی سطح پر تسلیم کرنے پر وزیراعظم کا شکریہ ادا کرتے ہوئے کہا کہ کھیلوں کے فروغ میں حکومتی سرپرستی اہم کردار ادا کرتی ہے ,وزیراعظم نے محمد آصف کے ساتھ متعلقہ حکام کو ہدایت کی کہ وہ ملک میں مزید سنوکر کھلاڑیوں کو تربیت دینے کے لیے اقدامات کریں تاکہ نوجوانوں میں اس کھیل کو مزید فروغ دیا جا سکے۔
