ishtiaq ahmed 
78
اردو ورلڈ کینیڈا ( ویب نیوز )سپیکر پنجاب اسمبلی کے عہدے کے لیے پی ٹی آئی اور ق لیگ میں جوڑ توڑ شروع۔
ذرائع کے مطابق سپیکر پنجاب اسمبلی کے لیے پی ٹی آئی کے سینئر رہنماؤں کے ناموں کا اعلان کر دیا گیا ہے۔
ذرائع نے بتایا ہے کہ اسپیکر کے عہدے کے لیے شاہ محمود قریشی کے صاحبزادے زین قریشی میدان میں ہیں جب کہ سابق وزیراعلیٰ پنجاب عثمان بزدار بھی اسپیکر کے عہدے کے لیے سرگرم ہیں۔
پارٹی رہنما سبطین خان اور میاں محمود الرشید بھی اسپیکر شپ کی دوڑ میں شامل ہیں جب کہ میاں اسلم اقبال کے نام پر بھی غور کیا جا رہا ہے۔
اس کے علاوہ ڈپٹی اسپیکر کے لیے واثق قیوم اور ملک تیمور کے ناموں پر غور کیا جا رہا ہے۔
پی ٹی آئی چیئرمین عمران خان سپیکر اور ڈپٹی سپیکر پنجاب اسمبلی کے نام کی حتمی منظوری دیں گے۔
