اردو ورلڈ کینیڈ ا ( ویب نیوز)نیشنل الیکٹرک پاور ریگولیٹری اتھارٹی نے ماہانہ فیول ایڈجسٹمنٹ کی مد میں بجلی کی قیمت میں 2 روپے 31 پیسے کمی کی منظوری دے دی۔

نیشنل الیکٹرک پاور ریگولیٹری اتھارٹی (نیپرا) کے چیئرمین توصیف حسن فاروقی کی سربراہی میں سینٹرل پاور پرچیزنگ ایجنسی کی جانب سے ماہانہ فیول ایڈجسٹمنٹ کی مد میں بجلی کی قیمت میں 2 روپے 20 پیسے کمی کی درخواست پر سماعت ہوئی۔

سینٹرل پاور پرچیزنگ ایجنسی (سی سی پی اے) کی جانب سے دائر درخواست میں کہا گیا ہے کہ دسمبر میں 8 ارب 96 کروڑ یونٹ سے زائد بجلی پیدا کی گئی۔

درخواست میں کہا گیا کہ دسمبر کے لیے ریفرنس لاگت 9 روپے 31 پیسے فی یونٹ مقرر کی گئی تھی تاہم کل لاگت 7 روپے 11 پیسے فی یونٹ تھی، اس لیے ماہانہ فیول ایڈجسٹمنٹ کی مد میں بجلی 2 روپے 20 پیسے فی یونٹ کم کی جائے۔

نیپرا نے دسمبر کے لیے بجلی کی قیمت میں 2 روپے 31 پیسے فی یونٹ کمی کی منظوری دے دی، بجلی مہنگی ہونے سے صارفین کو جنوری کے بل کی مد میں مجموعی طور پر 18 ارب 70 کروڑ روپے کا ریلیف ملے گا۔