اردوورلڈ کینیڈا ( ویب نیوز)وزیراعلیٰ خیبرپختونخوا علی امین گنڈا پور سے رابطہ 7 گھنٹے بعد بحال ہوگیا، علی امین گنڈا پور صبح سویرے وزیراعلیٰ ہاؤس پشاور پہنچے۔
ذرائع کا کہنا ہے کہ وزیراعلیٰ خیبرپختونخوا علی امین گنڈا پور رات گئے اسلام آباد سے پشاور کے لیے روانہ ہوئے۔
فیصل امین گنڈا پور اور دیگر رہنماؤں نے علی امین گنڈا پور کی ایکس پر پشاور واپسی کی تصدیق کر دی ہے۔
علی امین گنڈا پور کے بھائی فیصل امین نے کہا ہے کہ وہ اپنے بھائی سے رابطے میں ہیں اور سات گھنٹے بعد ان کا موبائل آن کر دیا گیا ہے۔
اس سے قبل وزیراعلیٰ خیبرپختونخوا کی گمشدگی کئی گھنٹوں تک معمہ بنی رہی، مختلف افواہیں گردش کرتی رہیں، اپوزیشن لیڈر عمر ایوب سمیت پی ٹی آئی کے کئی رہنماؤں کے بیانات بھی سامنے آئے۔
بیرسٹر سیف نے بھی اپنی گرفتاری کا خدشہ ظاہر کیا تاہم صاحبزادہ حامد رضا نے اپنی گرفتاری سے انکار کیا۔
واضح رہے کہ علی امین گنڈا پور کے خلاف اسلام آباد کے تھانہ سنگجانی میں مقدمہ درج کیا گیا ہے، جس میں جلسے کے قواعد و ضوابط کی خلاف ورزی اور ریاست مخالف تقریر کرنے کے الزامات عائد کیے گئے ہیں۔
مقدمے میں ضلعی انتظامیہ کے افسر کو ہیبیس کارپس میں رکھنے کی دفعات بھی شامل کی گئی ہیں۔
35
