توہین الیکشن کمیشن ،عمران خان ،فواد چوہدری اور اسد عمر آج طلب

152

 

اردوورلڈ کینیڈا ( ویب نیوز )الیکشن کمیشن نے توہین عدالت کیس میں پاکستان تحریک انصاف کے چیئرمین عمران خان، فواد چوہدری اور اسد عمر کو آج طلب کرلیا۔

الیکشن کمیشن آف پاکستان کی جانب سے جاری کردہ فہرست کے مطابق عمران خان، فواد چوہدری اور اسد عمر کے خلاف دائر توہین عدالت کیس کی سماعت آج ہوگی۔

توہین الیکشن کمیشن ، عمران خان ،اسد عمر اور فواد چوہدری کے گرفتاری وارنٹ جاری

کیس کی سماعت کے حوالے سے الیکشن کمیشن نے عمران خان، فواد چوہدری اور اسد عمر کو نوٹس جاری کرتے ہوئے تینوں رہنماؤں کو پیش ہونے کی ہدایت کردی۔

دوسری جانب پاکستان تحریک انصاف کے خلاف ممنوعہ فنڈنگ ​​کیس کی سماعت  بھی ہوگی۔ الیکشن کمیشن کے مطابق کیس کی سماعت کل صبح دس بجے ہوگی جب کہ کیس کی سماعت چیف الیکشن کمشنر کی سربراہی میں تین رکنی بینچ کرے گا۔