اردوورلڈکینیڈا(ویب نیوز)مرکزی اور مقامی رویت ہلال کمیٹی کے اعلان کے باوجود خیبرپختونخوا کے بعض اضلاع اور علاقوں میں ٢٠ مارچ کو عید الفطر منانے کے اعلانات کر دیے گئے ہیں۔

ایکسپریس نیوز کے مطابق مرکزی اور مقامی رویت ہلال کمیٹی نے عید الفطر ٢١ مارچ بروز ہفتہ کو منانے کا اعلان کیا تھا، تاہم خیبرپختونخوا کے ضلع مردان اور اس کے متصل علاقوں، بنوں، باجوڑ اور پشاور کے حیات آباد، سفید سنگ میں جمعہ کو عید منانے کے اعلانات مساجد میں کیے گئے ہیں۔

مرکزی اور مقامی کمیٹیوں کے اعلان کے مطابق پشاور میں آج تیسواں روزہ مکمل ہوگا۔

قبل ازیں مرکزی رویت ہلال کمیٹی نے رات ساڑھے آٹھ بجے عید کے ٢١ مارچ بروز ہفتہ ہونے کا اعلان کیا تھا، جب کہ مقامی رویت ہلال کمیٹی کا اجلاس رات ساڑھے دس بجے تک جاری رہا۔