اردوورلڈ کینیڈا ( ویب نیوز ) انٹرنیشنل کرکٹ کونسل (آئی سی سی) بھارت میں ہونے والے کرکٹ ورلڈ کپ کو بیٹنگ فرینڈلی بنانے کی کوشش کر رہی ہے۔

بھارت میں کرکٹ ورلڈ کپ کا میلہ 5 اکتوبر سے شروع ہو رہا ہے اور ٹورنامنٹ میں پاکستان اور بھارت کے درمیان میچ 14 اکتوبر کو احمد آباد کے نریندر مودی سٹیڈیم میں کھیلا جائے گا۔

بھارتی میڈیا کے مطابق آئی سی سی کی جانب سے ورلڈ کپ میں وکٹوں کی تیاری کے لیے کیوریٹرز کو ہدایات جاری کر دی گئی ہیں۔آئی سی سی کے چیف کیوریٹر اینڈی ایٹکنسن نے بھی بھارتی کیوریٹرز کے ساتھ ایک سیشن کیا ہے جس میں آئی سی سی کے چیف کیوریٹر کی جانب سے ورلڈ کپ میچوں کے لیے وکٹوں کو دوستانہ بیٹنگ رکھنے کی ہدایات جاری کی گئی ہیں۔آئی سی سی کے چیف کیوریٹر کی جانب سے ہدایات جاری کی گئی ہیں کہ کسی بھی میچ میں وکٹ کی تیاری کے لیے ہوم ٹیم پر دباؤ نہ لیا جائے، بیٹنگ کے حق میں وکٹوں کو 40-60 تک رکھا جائے۔انٹرنیشنل کرکٹ کونسل نے یہ بھی کہا ہے کہ بارش کی صورت میں پورے گراؤنڈ کو ڈھانپنے کی کوشش کریں اور زیادہ تر میچوں میں 70 میٹر کی باؤنڈری رکھیں جب کہ باؤنڈری کی زیادہ سے زیادہ لمبائی 80 میٹر ہوگی۔