اردوورلڈ کینیڈا ( ویب نیوز)نوناوک کے علاقے پوویرنیتوک (Puvirnituq)، کیوبیک میں ایک رہائشی گھر میں آگ بھڑک اٹھی، جس کے نتیجے میں پورا گھر جل کر خاکستر ہو گیا۔ ایمر جنسی نافذ کردی گئی خوش قسمتی سے اس واقعے میں کوئی جانی نقصان نہیں ہوا، تاہم متاثرہ خاندانوں کو عارضی رہائش فراہم کی گئی ہے۔
اس واقعے کے بعد، مقامی میئر لوسی کالنگو نے کہا کہ آگ بجھانے کی کوششیں پانی کی شدید قلت کی وجہ سے متاثر ہوئیں۔ پانی کی فراہمی کا نظام مارچ کے وسط سے منجمد ہے، جس کی وجہ سے گاؤں میں پانی کی ترسیل ٹرکوں کے ذریعے کی جا رہی ہے۔ مزید برآں، پانچ میں سے صرف تین پانی کے ٹرک فعال ہیں، جبکہ دو مرمت کے منتظر ہیں۔
مقامی حکام نے ہفتے کے روز ہنگامی حالت کا اعلان کیا۔ اس کے بعد، صوبائی حکومت نے 54 ٹن پانی ہوائی جہاز کے ذریعے گاؤں میں پہنچایا ہے۔ انڈجینس امور کے وزیر ایان لافرینیئر نے کہا ہے کہ پانی کی پائپ لائن جلد بحال ہونے کی امید ہے۔