اردوورلڈ کینیڈا( ویب نیوز)ضلع ٹانک کے سب ڈویژن جنڈولہ میں آج سکیورٹی خدشات کے باعث کرفیو نافذ کر دیا گیا ہے۔

اس حوالے سے ضلعی انتظامیہ کی جانب سے جاری اعلامیہ میں کہا گیا ہے کہ نیم قبائلی علاقے جنڈولہ میں صبح 6 بجے سے شام 7 بجے تک کرفیو نافذ رہے گا۔
نوٹیفکیشن کے مطابق کرفیو کے دوران تمام تجارتی مراکز اور دکانیں بند رہیں گی، اور خلاف ورزی کرنے والوں کے خلاف سخت قانونی کارروائی کی جائے گی۔انتظامیہ نے مسافروں کو مطلع کیا ہے کہ کوڑ سے جنڈولہ تک مرکزی شاہراہ ہر قسم کی ٹریفک کے لیے بند رہے گی، اور شہریوں کو گھروں سے باہر نہ نکلنے کی ہدایت دی گئی ہے۔