اردو ورلڈ کینیڈا ( ویب نیوز ) جاپان ایئر لائنز نے اعلان کیا ہے کہ اس نے اپنی ویب سائٹ میں رکاوٹ کو حل کر لیا ہے، جو کل سائبر حملے کی وجہ سے ہوا تھا۔

ایئر لائن نے تصدیق کی ہے کہ اس حملے کے نتیجے میں صارفین کا ڈیٹا لیک نہیں ہوا اور اس سے کوئی وائرس یا نقصان نہیں ہوا۔کمپنی کے مطابق سائبر حملہ کل صبح 7:30 بجے کے قریب شروع ہوا جس سے نہ صرف ملکی بلکہ بین الاقوامی پروازیں بھی متاثر ہوئیں۔اس حملے نے ایئر لائن کے ٹکٹوں کی فروخت معطل کر دی تھی لیکن اب یہ عمل دوبارہ شروع ہو گیا ہے۔جاپان ایئر لائنز نے اس بدقسمت صورتحال سے متاثرہ صارفین اور دیگر لوگوں سے دلی معذرت کی ہے۔. ایئر لائن نے یہ بھی یقین دلایا ہے کہ فلائٹ سیفٹی پر کوئی اثر نہیں پڑا ہے۔حکام کے مطابق یہ حملہ ممکنہ طور پر "DDoS حملہ” تھا، جس میں ویب سائٹس کو عارضی طور پر ناقابل رسائی بنانے کے لیے بڑے پیمانے پر ڈیٹا بھیجا جاتا ہے۔حملے کے باوجود ایئر لائن کا سسٹم مکمل طور پر بحال ہو چکا ہے اور پرواز کی سرگرمیاں معمول پر آ گئی ہیں۔