اردوورلڈ کینیڈا( ویب نیوز)کینیڈا کے شہر کیلگری میں ایک خاتون پر فوجداری غفلت (Criminal Negligence) کا الزام عائد کیا گیا ہے، یہ الزام اس خطرناک کیمیکل مواد کے واقعے کے بعد سامنے آیا ہے جس کی وجہ سے حکام کو کنٹرولڈ دھماکے کرنے پڑے۔
یہ واقعہ منگل، 26 اگست کو پیش آیا جب پولیس کو مینچسٹر انڈسٹریل ایریا میں ایک مشکوک پیکج کی اطلاع ملی۔
کیلگری پولیس اور فائر ڈیپارٹمنٹ (CFD) نے معائنے کے بعد تصدیق کی کہ اس میں موجود کیمیکل پکرک ایسڈ (Picric Acid) غیر مستحکم اور انتہائی خطرناک حالت میں ہے۔
ٹرانسپورٹ کینیڈا کے مطابق پکرک ایسڈ لیبارٹریز میں پائے جانے والے سب سے خطرناک کیمیکلز میں سے ایک ہے۔
کیلگری پولیس سروس کے اسٹاف سارجنٹ رے کیلی نے بتایایہ خشک حالت میں بھری ہوئی پیلٹس کی شکل میں موجود تھا، اور اگر یہ پھٹ جاتا تو علاقے کو بہت زیادہ نقصان پہنچ سکتا تھا۔
حکام نے فوری طور پر علاقے کو خالی کروا کر محفوظ طریقے سے تلفی (safe disposal) کا منصوبہ بنایا۔
اگلے دن یعنی 27 اگست کو حکام نے موقع پر ہی مواد کے قابو شدہ دھماکے (controlled detonations) کیے۔ بعد میں مزید تجزیے کے بعد فیصلہ کیا گیا کہ کیمیکل کو محفوظ طریقے سے ایک مخصوص مقام پر منتقل کر کے مزید دھماکوں کے ذریعے تلف کیا جائے۔
تحقیقات میں سامنے آیا کہ ایک مقامی موونگ کمپنی کو مختلف کیمیکلز ٹھکانے لگانے کا کنٹریکٹ دیا گیا تھا، مگر ان اشیاء کو ٹرانسپورٹ سے پہلے غلط لیبل لگایا گیا۔ یہ مواد تقریباً 10 دن تک یونہی پڑا رہا اور اس دوران غیر مستحکم ہوتا گیا۔
پولیس کے مطابق اس کمپنی کی صدر (president) کو اصل مواد کے بارے میں علم تھا مگر اس نے موونگ کمپنی کو سچائی نہیں بتائی، تاکہ اسے صحیح طریقے سے تلف کیا جا سکے۔
اسٹاف سارجنٹ کیلی کا کہنا ہےموونگ کمپنی کو اس وقت تک نہیں پتا تھا کہ پیلٹس میں کیا ہے جب تک انہوں نے بھیجنے والے شخص سے 10 دن بعد رابطہ نہیں کیا۔
ہمیں نہیں لگتا کہ عوام کو نقصان پہنچانے کا ارادہ تھا، لیکن اس حوالے سے کیے گئے فیصلوں نے کمیونٹی اور ہمارے ایمرجنسی سروسز اہلکاروں کو شدید خطرے میں ڈال دیا۔
پولیس کے مطابق 59 سالہ کرسٹین جیکولین ٹیشل (Christine Jacqueline Teschl) پر اب ایک الزام کریمنل نیگلیجنس کا عائد کیا گیا ہے۔وہ اکتوبر میں عدالت میں پیش ہوں گی۔
پولیس نے شہریوں سے اپیل کی ہے کہ اگر کسی کے پاس اس واقعے سے متعلق کوئی معلومات ہیں تو وہ 403-266-1234 پر رابطہ کریں یا گمنام طور پر کرائم اسٹاپرز (CrimeStoppers) کے ذریعے اطلاع دیں۔
