اردو ورلڈ کینیڈا ( ویب نیوز ) انڈیا کے ضلع ارریہ کے ایک اسکول کے تیار کردہ کھانے میں مردہ سانپ ملا جس کے بعد درجنوں بچے بیمار ہوگئے جنہیں ہسپتال منتقل کردیا گیا۔

بھارتی میڈیا کے مطابق آمونہ مڈل سکول وارڈ نمبر 21 میں واقعے میں متاثرہ بچوں سے متعلق حکام نے بتایا کہ 100 بچوں کا علاج کیا جا رہا ہے تاہم ان کی حالت خطرے سے باہر ہے۔

یہ بھی پڑھیں

گیمبیا میں بھارتی کمپنی کا کھانسی کا شربت پینے سے 66 اموات

ارریہ ڈسٹرکٹ ایجوکیشن آفیسر (ڈی ای او)راج کمار نے کہا کہ دوپہر کا کھانا کھانے والے تمام اسکولی بچوں کو فوربس گنج سب ڈویژنل ہسپتال میں داخل کرایا گیا ہے اور خوش قسمتی سے سبھی خطرے سے باہر ہیں۔ واقعہ کی تحقیقات کا حکم دے دیا گیا ہے اور قصورواروں کو بخشا نہیں جائے گا۔

مزید پڑھیں

کھانسی کے شربت سے بچوں کی ہلاکت ، بھارتی کمپنی کیخلاف مقدمے کی سفارش

ان کا یہ بھی کہنا تھا کہ ایک این جی او کو اسکول میں مڈ ڈے میل فراہم کرنے کے لیے تفویض کیا گیا تھا اور کھانے کا انتظام ان کی ذمہ داری ہے۔ جرم ثابت ہونے پر ینگو کا لائسنس منسوخ کر دیا جائے گا۔