اردو ورلڈ کینیڈا ( ویب نیوز ) اونٹاریو میں میپل لیف کے پولٹری پروسیسنگ پلانٹ میں ایک کارکن کی موت ہوگئی۔

یہ واقعہ جمعرات کو فیکٹری کے اندر پیش آیا اور اس کی اصل وجہ ابھی تک واضح نہیں ہو سکی ہے۔ لندن سروس، اونٹاریو کے چیف کورونر کا دفتر اور وزارت محنت اس معاملے کی تحقیقات کے لیے مل کر کام کر رہے ہیں۔ واقعے کے بعد فیکٹری کے باہر پرچم سرنگوں کر دیا گیا ہے۔ کمپنی کی ترجمان وکٹوریہ بیری نے اسے "افسوسناک واقعہ” قرار دیا اور کہا کہ کمپنی تحقیقات میں مکمل تعاون کر رہی ہے اور اندرونی تحقیقات جاری ہیں۔ متوفی کے اہل خانہ اور کمپنی کے ملازمین کو اس مشکل وقت میں مدد فراہم کی جارہی ہے۔