77
اردوورلڈ کینیڈا ( ویب نیوز)750 ارب روپے کے قرضوں اور سود کی ادائیگیوں نے پی آئی اے کا فلائٹ آپریشن داؤ پر لگاتے ہوئے پی آئی اے کا مالی بحران سنگین ہو گیا۔۔
ذرائع کا کہنا ہے کہ پی آئی اے کے مختلف ایئرپورٹس کی گراؤنڈ ہینڈلنگ کمپنیوں کو ادائیگیاں نہیں ہوسکی، پی آئی اے نے سعودی عرب کو 45 لاکھ ڈالر اور ترکی کے استنبول ایئرپورٹ کو 30 ملین ڈالر ادا کرنے ہیںجبکہ مالی بحران کے باعث لیز پر لیے گئے طیاروں کی ادائیگی نہیں ہو سکی۔
لیز پر لیے گئے طیاروں کے ڈھائی ملین ڈالر سے زائد واجب الادا ہیں جب کہ پی آئی اے کے 4 بو ئنگ 777 طیارے اسپیئر پارٹس اور مرمت کی کمی کے باعث گراؤنڈ کیے گئے ہیں جس سے اربوں روپے کا نقصان ہوا۔
یورپ اور برطانیہ کے لیے پروازوں کی بندش سے 187 ارب کا نقصان ہوا، پی آئی اے کا مجموعی خسارہ 112 ارب روپے سے تجاوز کر گیا، جس کے باعث پی آئی اے کے 4 بوئنگ 777 اور 5 ایئر بس 320 طیارے گراؤنڈ ہونے کا خدشہ ہے۔
