اردو ورلڈ کینیڈا ( ویب نیوز)پاکستان کرکٹ بورڈ نے پی ایس ایل کے آٹھویں ایڈیشن کے لیے نئی ٹرافی متعارف کرانے کا فیصلہ کیا ہے۔
پاکستان سپر لیگ کے آٹھویں سیزن کے آغاز سے قبل 9 فروری کو ٹرافی کی رونمائی کے لیے شالیمار باغ لاہور کا انتخاب کیا گیا ہے، پی سی بی مینجمنٹ کمیٹی کے چیئرمین نجم سیٹھی ٹرافی کی نقاب کشائی کریں گے۔
پی ایس ایل میں شریک تمام ٹیموں کی فرنچائزرز کو بھی ایونٹ میں مدعو کیا گیا ہے۔
حکام کا کہنا ہے کہ نئی ٹرافی کو 25 کیرٹ سونے کے استعمال سے مزید وسیع بنایا گیا ہے جب کہ سیزن سات میں استعمال ہونے والی ٹرافی دوبارہ پیش نہیں کی جائے گی اور دفاعی چیمپئن لاہور قلندر کے پاس رہے گی۔
واضح رہے کہ پاکستان سپر لیگ (پی ایس ایل) کا آغاز 13 فروری سے ملتان میں ہوگا جب کہ ایونٹ کا فائنل 19 مارچ کو کھیلا جائے گا۔
دوسری جانب پاکستان کرکٹ بورڈ (پی سی بی) نے پی ایس ایل 8 کے لیے کمنٹیٹرز اور پریزنٹرز کے ناموں کا اعلان کردیا، پی سی بی کے سابق چیئرمین رمیز راجہ کا نام شامل نہیں ہے۔
پی سی بی کی جانب سے جاری کردہ اعلامیہ کے مطابق پاکستان سپر لیگ کے آٹھویں ایڈیشن کے دوران ایلن ولکنز، بازید خان، ڈینی موریسن، ڈیرن گنگا، ڈومینک کارک پر مشتمل پینل میں 15 کمنٹیٹرز اور دو پریزنٹرز ہوں گے۔ ، مارک بچر، نک نائٹ، ثنا میر، سکندر بخت، سائمن ڈول، عروج ممتاز، ورنن فلینڈرز اور وقار یونس انگریزی میں کمنٹری دیں گے۔
