اردو ورلڈ کینیڈا ( ویب نیوز ) آپ ؐ کی تشریف لانے کی خوشی ، متحدہ عرب امارات نے 12 ربیع الاول کو چھٹی کا اعلان کر دیا ۔عرب میڈیا کے مطابق متحدہ عرب امارات کی وفاقی اتھارٹی برائے انسانی وسائل نے سوشل میڈیا پوسٹ میں لکھا ہے کہ وفاقی حکومت نے 12 ربیع الاول کی تعطیل کا سرکلر جاری کر دیا ہے۔انسانی وسائل اور امارات کی وزارت نے اعلان کیا کہ 15 ستمبر 2024 بروز اتوار کو سرکاری اداروں سمیت نجی شعبے کے ملازمین کے لیے نبی اکرم صلی اللہ علیہ وسلم کے یوم ولادت کی یاد میں عام تعطیل ہوگی۔

یہ فیصلہ 2024 کے لیے سرکاری اور نجی شعبوں کے لیے عام تعطیلات کے حوالے سے متحدہ عرب امارات کی کابینہ کی قرارداد کے مطابق ہے۔وزارت کے بیان میں متحدہ عرب امارات کے شہریوں کو مبارکباد اور نیک خواہشات کا اظہار کیا گیا ہے۔واضح رہے کہ متحدہ عرب امارات میں اگلی عام تعطیل قومی دن کے سلسلے میں 2 اور 3 دسمبر کو ہوگی۔