اردوورلڈ کینیڈا( ویب نیوز)وزیر اعظم شہباز شریف آمدن میں کمی کے باعث ایف بی آر کی کارکردگی سے ناخوش ہیں اور چیئرمین ایف بی آر کو اپنی مرضی کی ٹیم تعینات کرنے کا گرین سگنل دے دیا گیا ہے۔
ذرائع کے مطابق چیئرمین ایف بی آر کی جانب سے بورڈ ممبران تبدیل کیے جانے کا امکان ہے، ان لینڈ ریونیو آپریشنز، ممبر کسٹمز آپریشنز، ممبر کسٹمز پالیسی ونگ اور دیگر کو تبدیل کیے جانے کا امکان ہے۔
ذرائع کا کہنا ہے کہ ممبر کسٹمز آپریشنز کو تبدیل کیا گیا ہے، جنید جلیل کی جگہ اشہد جواد کو تعینات کیا گیا ہے۔
ایف بی آر ذرائع کے مطابق تقریباً 100 ارب روپے کے ریونیو شارٹ فال کی رپورٹ وزیراعظم کو پیش کر دی گئی ہے۔
وزیر اعظم شہباز شریف نے چیئرمین ایف بی آر کو سخت ہدایات دیتے ہوئے کہا ہے کہ آپ کچھ بھی کر لیں، آئندہ ماہ آمدن میں شارٹ فال نظر نہیں آنا چاہیے، ممبرز تبدیل کریں یا ٹیکس نیٹ بڑھائیں لیکن ہدف حاصل کریں۔
ذرائع کا کہنا ہے کہ وزیراعظم کی ہدایت کے بعد چیئرمین اپنی ٹیم کی تیاری میں مصروف ہیں، ممبر ان لینڈ ریونیو آپریشنز میر بادشاہ خان وزیر کو بھی تبدیل کیے جانے کا امکان ہے، ممبر کسٹمز پالیسی ثریا احمد بٹ اور ممبر پی آر بی ایف۔ R کو بھی تبدیل کیا جا سکتا ہے۔
ذرائع کے مطابق ایف بی آر کے ممبر کسٹمز پالیسی اور ممبر پی آر دسمبر میں دو ماہ بعد ریٹائر ہو رہے ہیں، رواں ماہ ستمبر کے دوران تقریباً 1220 ارب روپے کا ریونیو ہدف حاصل کرنا ہو گا۔