ڈیف انٹرنیشنل کرکٹ کونسل T20 ورلڈ کپ 2024 کے فائنل میں پاکستان ڈیف کرکٹ ٹیم نے سری لنکا کو 88 رنز سے شکست دے دی۔شارجہ میں کھیلے گئے میچ میں پاکستان ڈیف ٹیم نے مقررہ 20 اوورز میں 6 وکٹوں پر 151 رنز بنائے۔واضح رہے کہ ڈیف انٹرنیشنل کرکٹ کونسل ٹی ٹوئنٹی ورلڈ کپ 6 سے 12 مارچ تک شارجہ میں کھیلا گیا جس میں 6 ٹیموں نے حصہ لیا۔دوسری جانب چیئرمین پی سی بی محسن نقوی نے پاکستان ڈیف کرکٹ ٹیم کے کھلاڑیوں کو ٹی ٹوئنٹی ورلڈ کپ 2024 جیتنے پر مبارکباد دی ہے۔

چیئرمین پی سی بی محسن نقوی کا کہنا تھا کہ فائنل میں پاکستانی ڈیف کرکٹ ٹیم کے کھلاڑیوں نے شاندار کارکردگی کا مظاہرہ کیا، باسط عباسی نے بیٹنگ جبکہ جبار علی اور منظور خان نے بولنگ میں شاندار کارکردگی دکھائی۔انہوں نے کہا کہ ڈیف کرکٹ کھلاڑیوں نے ٹیم ورک اور محنت سے فائنل میں سری لنکا کو شکست دی، میرا ماننا ہے کہ جذبہ، ٹیم ورک اور عزم کامیابی کی کنجی ہیں۔