اردوورلڈ کینیڈا( ویب نیوز)پاکستان اور چین کا دفاعی تعاون فوجی برتری میں بدل گیا ہے جس کا واضح طور پر پاکستان بھارت کشیدگی میں مظاہرہ کیا گیا۔
بین الاقوامی میڈیا نے یہ بھی اعتراف کیا کہ چینی ساختہ J-10C طیارے اور PL-15 میزائلوں نے ہندوستانی فضائیہ کے کئی لڑاکا طیاروں کو مار گرایا۔
فرانس، برطانیہ اور امریکہ کے بڑے ذرائع ابلاغ نے چینی ٹیکنالوجی کی برتری اور پاکستان کی فوجی کامیابی کو تسلیم کیا۔
دی اکانومسٹ کے مطابق چین کے ہتھیاروں نے پاکستان کے ہاتھوں اپنا پہلا بڑا جنگی تجربہ "کامیابی سے” مکمل کر لیا ہے
پاکستانی افواج جدید چینی ٹیکنالوجی سے لیس ہیں اور ہندوستان کے فوجی منصوبوں کو حکمت عملی سے شکست دے رہی ہیں۔
ایک غیر ملکی خبر رساں ایجنسی کے مطابق اربوں ڈالر مالیت کے بھارتی رافیل طیارے چینی ہتھیاروں کے مقابلے عملی میدان میں غیر موثر ثابت ہوئے ہیں۔
دفاعی ماہرین کا کہنا ہے کہ چین سے حاصل کیے گئے فضائی دفاعی نظام، ڈرونز اور ہائپرسونک میزائلوں نے پاکستان کو خطے میں تکنیکی برتری دی ہے اور چین کے تعاون سے تیار کیے گئے پاکستان کے JF-17 تھنڈر طیارے کو عالمی سطح پر پذیرائی ملی ہے۔
