اردو ورلڈ کینیڈا ( ویب نیوز ) امریکہ میں صدارتی انتخابات کی مہم عرو ج پر ، شکاگو میں ڈیموکریٹک پارٹی کے قومی کنونشن شروع ، سابق خاتون اول ہلیری کلنٹن اور دیگر اہم رہنمائوں نے خطاب کیا ہے۔امریکی صدر جو بائیڈن آج ڈیموکریٹک نیشنل کنونشن میں ڈیموکریٹک صدارتی امیدوار کملا ہیرس کے حق میں اہم تقریر بھی کریں گے۔
امریکہ کی سابق خاتون اول ہیلری کلنٹن نے ڈیموکریٹک نیشنل کنونشن میں اپنے خطاب میں صدر جو بائیڈن کا شکریہ ادا کرتے ہوئے کہا کہ بائیڈن اندرون اور بیرون ملک جمہوریت کے چیمپئن رہے ہیں۔انہوں نے کہا کہ جو بائیڈن وقار، شائستگی اور قابلیت کو وائٹ ہاؤس میں واپس لائے اور بتایا کہ سچے محب وطن ہونے کا کیا مطلب ہے۔ڈیموکریٹک پارٹی کے قومی کنونشن میں امریکہ بھر سے مندوبین اور پارٹی کے اہم رہنما شریک ہیں۔