اردو ورلڈ کینیڈا ( ویب نیوز)ماحولیات کینیڈا نے ٹورنٹو اور جی ٹی اے کے لیے فوگ ایڈوائزری جاری کی ہے۔ یہ وارننگ بھی دی گئی ہے کہ کچھ علاقوں میں حد نگاہ بہت کم رہے گی۔

پہلے دن میں  جی ٹی اے میں   بارش کی وارننگ دی گئی تھی۔ جس کی وجہ سے کئی اسکول بورڈز نے بعض علاقوں میں اسکول بسوں کو منسوخ کردیا ہے۔ پھر یہ ژالہ باری، بارش اور بوندا باندی میں تبدیل ہوگیا اور موسم منگل کی شام تک جاری رہنے کا امکان ہے۔ ماہرین موسمیات کا کہنا ہے کہ شام اور رات کے اوقات میں بارش ہوسکتی ہے۔
بدھ کو مطلع ابر آلود رہے گا اور بوندا باندی کے ساتھ دھند پڑ سکتی ہے۔ لیکن جمعرات کو موسم ملا جلا رہے گا۔ جمعرات کی صبح گیلی برف بتدریج ژالہ باری میں تبدیل ہو جائے گی اور دوپہر تک بارش میں تبدیل ہو سکتی ہے۔