اردو ورلڈ کینیڈا ( ویب نیوز)شیل پیٹرولیم کمپنی نے پاکستان میں کمپنی کے تمام حصص فروخت کرنے کا اعلان کیا ہے۔برطانوی خبر رساں ادارے کے مطابق شیل کا کہنا ہے کہ وہ شیل پاکستان کے 77.42 فیصد شیئرز فروخت کر کے کمپنی کا انتظام اور کنٹرول خریدار کے حوالے کر دے گا۔

خبر رساں ادارے کے مطابق شیل پیٹرولیم کمپنی کو 2022 میں ڈالر کی قدر میں اضافے اور پاکستانی روپے کی قدر میں کمی کے باعث بھاری مالی نقصان کا سامنا کرنا پڑا۔
اس کے علاوہ برطانوی کمپنی کو واجبات کی وصولی میں بھی مشکلات کا سامنا تھا جس کی وجہ سے کمپنی نے یہ فیصلہ کیا ہے۔
شیل کے ترجمان کے مطابق، حصص کی فروخت میں گروپ کے دیگر کاروبار بھی شامل ہیں، جن میں پاک عرب پائپ لائن کمپنی لمیٹڈ (PAPCO) میں 26 فیصد ملکیت کا مفاد بھی شامل ہے۔
شیل پیٹرولیم کمپنی نے ایک بیان میں کہا ہے کہ کمپنی پاکستان میں اپنے تمام حصص فروخت کر رہی ہے جس کی بورڈ آف ڈائریکٹرز کے اجلاس میں منظوری دی گئی ہے، اس فروخت سے شیل کے پاکستان میں جاری آپریشنز پر کوئی اثر نہیں پڑے گا اور یہ جاری رہے گا