اردو ورلڈکینیڈا ( ویب نیوز ) لبنانی فوج نے اسرائیلی فورسز پر جنگ بندی معاہدے کی خلاف ورزی کا الزام لگایا ہے۔
غیر ملکی میڈیا رپورٹس کے مطابق اسرائیلی فوج نے مبینہ طور پر جنوبی لبنان میں حزب اللہ کے ٹھکانوں پر متعدد حملے کیے جن میں 70 سے زائد لبنانی شہری شہید اور 266 زخمی ہوئے۔ اسرائیل کے جاری حملوں میں لبنان میں شہداء کی کل تعداد 4 ہزار تک پہنچ گئی ہے۔دریں اثنا، اسرائیلی فوج نے جنوبی لبنان میں رات کے وقت کرفیو نافذ کر دیا۔دوسری جانب اسرائیلی فورسز نے غزہ پر بمباری جاری رکھی ہے جس کے نتیجے میں جمعرات کے حملوں میں کم از کم 42 افراد ہلاک ہوئے ہیں۔
رپورٹ کے مطابق اسرائیلی فوج نے ناصرت میں ایک رہائشی عمارت کو نشانہ بنایا جس میں 9 فلسطینی شہید ہوئے جبکہ ناصرت میں ایک اور حملے میں ایک فلسطینی شہید اور الجزیرہ کا ایک کیمرہ مین زخمی ہوا۔واضح رہے کہ غزہ پر اسرائیل کے جاری حملوں کے نتیجے میں 7 اکتوبر 2023 سے اب تک کم از کم 44 ہزار 330 فلسطینی شہید اور 100،000 سے زائد زخمی ہو چکے ہیں۔
دوسری جانب یمنی حوثیوں نے اعلان کیا ہے کہ وہ اسرائیل پر حملے جاری رکھیں گے اور انہوں نے امریکی اور برطانوی جہازوں کو نشانہ بنانے کا دعویٰ بھی کیا ہے۔اس کے علاوہ اسرائیلی وزیر اعظم نیتن یاہو نے حزب اللہ کے ساتھ جنگ بندی کے بعد ایک انٹرویو میں کہا کہ اسرائیل غزہ میں جنگ بندی کے لیے تیار ہے لیکن ہم حماس کے ساتھ جنگ ختم کرنے کے لیے تیار نہیں ہیں۔یاد رہے کہ امریکہ کی سرپرستی میں جنگ بندی کے معاہدے کے مطابق اسرائیل 60 دنوں میں جنوبی لبنان سے اپنی فوجیں نکال لے گا اور لبنانی حکومت حزب اللہ کے زیر کنٹرول علاقے کا کنٹرول سنبھال لے گی۔ دریائے لطانی سے ہٹا دیا جائے گا۔
