پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے ڈیرہ اسماعیل خان کے علاقے کلاچی میں خفیہ اطلاع پر آپریشن کیا، فائرنگ کے تبادلے میں 2 دہشت گرد مارے گئے۔
آئی ایس پی آر کے مطابق جنوبی وزیرستان کے علاقے کوٹ اعظم میں کامیاب آپریشن کے دوران ایک دہشت گرد بھی مارا گیا۔
آئی ایس پی آر کا کہنا ہے کہ ہلاک دہشت گردوں سے اسلحہ اور گولہ بارود برآمد ہوا، ہلاک دہشت گرد سیکیورٹی فورسز اور معصوم شہریوں پر حملوں میں ملوث تھے، علاقے میں دہشت گردوں کی تلاش کے لیے آپریشن جاری ہے۔
دوسری جانب شمالی وزیرستان کے علاقے گھڑیوم میں بارودی سرنگ کے دھماکے میں 26 سالہ سپاہی شاہ زیب شہید ہوگیا۔
آئی ایس پی آر کا کہنا تھا کہ علاقے کو دہشت گردوں سے پاک کرنے کے لیے آپریشن جاری ہے، سیکیورٹی فورسز دہشت گردی کی لعنت کے خاتمے کے لیے پرعزم ہیں، ہمارے جوانوں کی یہ قربانیاں ہمارے عزم کو مضبوط کرتی ہیں۔
