اردو ورلڈکینیڈا ( ویب نیوز ) چیئرمین تحریک انصاف عمران خان نے کہا ہے کہ الیکشن پر حکومت سے مذاکرات کے لیے تیار ہیں۔
عمران خان نے تصدیق کی کہ ان کی ٹیم منگل کو حکومت سے مذاکرات کے لیے جائے گی۔
چیئرمین پی ٹی آئی کا کہنا تھا کہ قومی الیکشن کے لیے تیار ہیں۔ انہوں نے حکومت کو مخاطب کرتے ہوئے کہا کہ اگر آپ 14 مئی تک اسمبلیاں تحلیل کر دیں تو ہم ایک تاریخ کو ملک بھر میں انتخابات کے لیے تیار ہیں، اگر آپ نے 14 مئی سے پہلے اسمبلیاں تحلیل نہ کیں تو ہم دو صوبوں میں الیکشن کرائیں گے۔
ہمیں بجٹ کے بعد اسمبلیاں تحلیل کرنا قبول نہیں۔ان کا مزید کہنا تھا کہ الیکشن کی امید دم توڑ گئی تو پاکستان کے حالات سری لنکا سے بھی بدتر ہوں گے۔واضح رہے کہ ملک بھر میں انتخابات کے معاملے پر حکومت اور تحریک انصاف کے درمیان مذاکرات کے دو دور ہو چکے ہیں۔
یہ بھی پڑھیں
حکمران ذاتی مفاد کیلئے الیکشن سے بھاگ رہے،سپریم کورٹ کا حکم نہ مانا گیا تو قوم احتجاج کیلئے تیار ہے،عمران خان
اگلی ملاقات کا اعلان منگل کو کیا گیا تھا تاہم پرویز الٰہی کے گھر پر چھاپے کے بعد مذاکراتی عمل معطل ہونے کے خدشات تھے۔سابق وزیراعظم اور پاکستان تحریک انصاف عمران خان کی زیر صدارت آج مرکزی رہنماؤں کا اجلاس ہوا جس میں شاہ محمود قریشی، فواد چوہدری، شبلی فراز، سینیٹر اعظم سواتی، اعجاز چوہدری اور محمود خان نے شرکت کی۔ملاقات میں عمران خان کو حکومت سے مذاکرات اور چوہدری پرویز الٰہی کی رہائش گاہ پر آپریشن کے بعد ہونے والے مذاکرات کے مستقبل پر بریفنگ دی گئی۔
اس حوالے سے پی ٹی آئی رہنما فواد چوہدری نے کہا ہے کہ مذاکرات کو سبوتاژ کرنے کی کوششوں کو مسترد کرتے ہوئے تحریک انصاف نے آئین کے فریم ورک میں انتخابات کے احکامات کو نظر انداز کرتے ہوئے حکومت سے مذاکرات کا فیصلہ کیا ہے۔ سپریم کورٹ. جاری رہے گا.
