اردو ورلڈ کینیڈا ( ویب نیوز )عوامی مسلم لیگ کے سربراہ شیخ رشید احمد نے کہا ہے کہ عمران خان کی قیادت میں قوم باہر نکل آئی ہے۔ مفتی محمود زندہ ہوتے تو دیکھ لیتے

مینار پاکستان گراؤنڈ میں جلسے سے خطاب کرتے ہوئے سابق وزیر داخلہ شیخ رشید احمد کا کہنا تھا کہ چوروں اور ڈاکوؤں نے پورے شہر میں کنٹینرز لگائے، کارکن پیدل آئے، میں انہیں سلام پیش کرتا ہوں، آج پوری پی ڈی ایم پر لعنت ہے۔ عوام ان چوروں کے خلاف نکلے ہیں

  قانون کی حکمرانی تک قوم ترقی نہیں کرسکتی ،طاقتوروں نے فیصلہ کیا ہوا عمران کو نہیں آنے دینا ، عمران خان

شیخ رشید نے کہا کہ گزشتہ 12 ماہ سے آئی ایم ایف سے مذاکرات کر رہے ہیں، آئی ایم ایف سے کوئی معاہدہ نہیں ہو رہا، ہماری کسی سے کوئی لڑائی نہیں حتیٰ کہ چینلز سے بھی، چینلز والے اپنی پالیسی بدلیں ،ہماری کسی ادارے سے جنگ نہیں، قوم سپریم کورٹ کے دروازے کی طرف دیکھ رہی ہے، پیر کو عدالت میں پیش ہوں گے
انہوں نے کہا کہ قوم مرنے مارنے کو تیار ہے پھر بھی ہم کہتے ہیں کہ بیٹھ کر الیکشن کا فیصلہ کرو۔ آج ایران اور سعودی عرب ایک ہو چکے ہیں۔ پاکستان کے قومی اثاثے ہمارے دفاع کے ضامن ہیں اور ہم سامراج کے خلاف ہیں ، شہباز شریف 10 کلو آٹے کا تھیلا دیتے ہیں اور اخبار والوں سے کہتے ہیں کہ صفحہ اول پر فوٹو لگا دیں۔