اردو ورلڈ کینیڈا ( ویب نیوز ) امریکہ میں صدارتی انتخابات کی مہم جاری ہے ، سابق صدر ڈونلڈ ٹرمپ نے کملا ہیرس کو بنیاد پرست اور پاگل قرار دے دیا۔ریپبلکن صدارتی امیدوار ڈونلڈ ٹرمپ نے مشرقی پنسلوانیا میں ایک ریلی سے خطاب کرتے ہوئے مخالف ڈیموکریٹک امیدوار کملا ہیرس کی شخصیت پر طنز کیا۔انہوں نے اپنے خطاب میں کہا کہ کملا ہیرس کو جو بائیڈن کے مقابلے میں ہرانا آسان ہوگا۔
ٹرمپ نے کملا ہیرس کا مذاق اڑاتے ہوئے کہا کہ کیا آپ نے کملا کو ہنستے ہوئے سنا؟ یہ دیوانے کی ہنسی ہے۔
ٹائم میگزین کے تازہ شمارے کے سرورق پر کملا کی تصویر پر برہمی کا اظہار کرتے ہوئے ٹرمپ نے کہا کہ میں ان سے بہتر لگ رہا ہوں۔دوسری جانب ڈیموکریٹک پارٹی کا قومی کنونشن کل ہوگا، کنونشن میں کملا حارث کی بطور صدارتی امیدوار نامزدگی کی تصدیق کی جائے گی۔کملا ہیرس پٹسبرگ سے بس کے دورے پر آج مغربی پنسلوانیا میں انتخابی مہم چلائیں گی۔ دوسری جانب رائے عامہ کے جائزوں میں کملا ہیرس کو ٹرمپ پر برتری حاصل ہے۔
