اردو ورلڈ کینیڈا ( ویب نیوز ) نیویارک کی ایک جیوری نے ٹرمپ کو ایک ڈپارٹمنٹ اسٹور میں ایک خاتون صحافی کو جنسی طور پر ہراساں کرنے کا مجرم قرا۔
امریکی منتخب صدر ڈونلڈ ٹرمپ کو ایک بڑا دھچکا لگا ہے کیونکہ ایک عدالت نے جنسی طور پر ہراساں کرنے کے مقدمے میں ان کے 5 ملین ڈالر کے جرمانے کو برقرار رکھا ہے۔امریکی میڈیا کے مطابق ایک وفاقی اپیل کورٹ نے ڈونلڈ ٹرمپ کے خلاف جیوری کے فیصلے کو برقرار رکھتے ہوئے انہیں جنسی طور پر ہراساں کرنے اور ہتک عزت کے مقدمے میں ایک خاتون صحافی اور مصنف کو 5 ملین ڈالر ہرجانہ ادا کرنے کا حکم دیا۔
نیویارک کی ایک جیوری نے گزشتہ سال نو روزہ مقدمے کی سماعت کے بعد 1996 میں مین ہٹن کے ایک ڈپارٹمنٹ اسٹور میں منتخب صدر ڈونلڈ ٹرمپ کو مصنف اور صحافی ای جین کیرول کے ساتھ جنسی زیادتی کا مجرم قرار دیا۔عدالت نے امریکی صدر کو ایک خاتون صحافی کو جنسی طور پر ہراساں کرنے پر 2 ملین ڈالر اور ہتک عزت کے لیے 3 ملین ڈالر ادا کرنے کا حکم دیا۔. منتخب صدر نے ان الزامات کی تردید کی اور فیصلے کے خلاف اپیل کی جسے وفاقی عدالت نے مسترد کر دیا۔. اس سے قبل عدالت نے ٹرمپ کو ایک الگ کیس میں کیرول کو 83 ملین ڈالر ادا کرنے کا حکم دیا تھا۔
