135
اردو ورلڈ کینیڈا ( ویب نیوز ) امریکہ کے سابق صدر ڈونلڈ ٹرمپ نے مشہور سابق مکسڈ مارشل آرٹ فائٹر خبیب نورماگومیدوف کو یقین دلایا ہے کہ وہ اقتدار میں آنے کے بعد غزہ میں جاری جنگ کو روک دیں گے۔
امریکی صدارتی امیدوار ڈونلڈ ٹرمپ کی سابق مکسڈ مارشل آرٹسٹ خبیب نورماگومیدوف کے ساتھ غزہ میں جاری اسرائیلی جارحیت کے حوالے سے گفتگو کی ویڈیو سوشل میڈیا پر وائرل ہو رہی ہے۔ویڈیو میں ڈونلڈ ٹرمپ خبیب کو یقین دلا رہے ہیں کہ اگر وہ انتخابات جیت گئے تو وہ غزہ میں جاری جنگ کو روک دیں گے۔
یہ بھی پڑھیں
سابق صدر ٹرمپ نے نیو جرسی کے نیوارک کے پروڈنشل سینٹر میں منعقدہ یو ایف سی 302 تقریب میں شرکت کی جہاں انہوں نے سابق یو ایف سی لائٹ ویٹ چیمپئن سے ملاقات کی اور دونوں شخصیات نے خوشگوار موڈ میں تبادلہ خیال کیا۔خبیب نورماگومیدوف نے ڈونلڈ ٹرمپ سے کہا کہ وہ جانتے ہیں کہ آپ فلسطین کی جنگ روکیں گے، جس پر سابق امریکی صدر نے جواب دیا کہ اقتدار میں آنے کے بعد یہ جنگ روک دیں گے۔
