اردو ورلڈ کینیڈا ( ویب نیوز ) امریکی صدارتی انتخابات کے لیے ریپبلکن پارٹی کے امیدوار ڈونلڈ ٹرمپ بعض مسلم ممالک کے شہریوں کے امریکا میں داخلے پر پابندی لگانے کا منصوبہ بنا رہے ہیں۔امریکی میڈیا رپورٹ میں کہا گیا ہے کہ اگر ڈونلڈ ٹرمپ دوبارہ صدر بنتے ہیں تو وہ غیر قانونی تارکین وطن کی ملک بدری میں 10 گنا اضافہ کریں گے۔امریکی میڈیا کے مطابق ڈونلڈ ٹرمپ صدر بننے کی صورت میں غیر قانونی تارکین وطن کی گرفتاری کے لیے نیشنل گارڈ اور فوج کو تعینات کیے جانے کا امکان ہے۔رپورٹ کے مطابق ڈونلڈ ٹرمپ بعض مسلم ممالک کے لوگوں کے امریکا میں داخلے پر پابندی اور غیر قانونی تارکین وطن کے امریکا میں پیدا ہونے والے بچوں کی شہریت پر پابندی لگانے کا بھی منصوبہ بنا رہے ہیں۔
ٹرمپ نے صدر بائیڈن، ان کے خاندان اور ان کے تمام سیاسی مخالفین کے خلاف الزامات عائد کرنے کا عزم کیا ہے۔اس کے علاوہ ٹرمپ حکومتی طاقت کے توازن کو صدر کے حق میں منتقل کرنے کے لیے وائٹ ہاؤس میں واپسی، زیادہ تر درآمدی مصنوعات پر نئے ٹیکس لگانے اور چین پر تجارتی پابندیاں، نیٹو کو کمزور کرنے کے معاملے پر غور کر رہے ہیں۔ اور یوکرین کی جنگ ختم کی جائے۔دوسری جانب مشہور امریکی جریدے نیویارک ٹائمز نے ڈونلڈ ٹرمپ کو اپنے ادارے میں انتہائی خطرناک شخص قرار دیتے ہوئے انہیں امریکا کی صدارت کے لیے نااہل قرار دے دیا ہے۔
