ارد ورلڈ کینیڈا ( ویب نیوز ) ڈاکٹر عافیہ صدیقی امریکی جیل میں قید ہیں ، وزیراعظم شہباز شریف کی ہدایت پر پاکستانی وفد نے امریکی جیل میں قید ڈاکٹر عافیہ صدیقی سے تقریباً تین گھنٹے تک ملاقات کی۔

پاکستانی وفد نے امریکی کانگریس اور محکمہ خارجہ کے حکام سے بھی ملاقات کی تاکہ عافیہ صدیقی کی رہائی کے لیے دباؤ ڈالا جا سکے۔پاکستانی وفد میں شامل سینیٹر بشریٰ انجم نے جیو نیوز کو بتایا کہ عافیہ صدیقی کی رہائی کے لیے امریکی حکام سے بات چیت مثبت رہی۔انہوں نے کہا کہ انہیں امید ہے کہ امریکی حکومت بھی 20 جنوری سے پہلے عافیہ صدیقی کی رہائی کا فیصلہ کر لے گی۔انہوں نے کہا کہ عافیہ صدیقی کا معاملہ انسانی حقوق کا عالمی مسئلہ ہے۔ ڈاکٹر عافیہ نے ملاقات میں بتایا کہ انہیں اب بھی انصاف ملنے کی امید ہے۔