اردوورلڈ کینیڈا ( ویب نیوز )نگران حکومت نے مہنگائی کے باعث عوام کے لیے ادویات کی قیمتوں میں بھی اضافہ کردیا۔ڈرگ ریگولیٹری اتھارٹی نے جان بچانے والی 25 ادویات کی قیمتوں میں اضافے کا نوٹیفکیشن جاری کر دیا ہے جس کے تحت کینسر کی نئی دوا لوریکا کی قیمت 8 لاکھ 46857 روپے مقرر کی گئی ہے۔

نوٹیفکیشن کے مطابق دمہ کے مریضوں کے استعمال کے لیے اس دوا کی قیمت 1390 روپے اور ہیپاٹائٹس کے ایک انجکشن کی قیمت 10 ہزار 275 روپے کر دی گئی ہے۔
پیراسیٹامول اور ڈیپ ہائیڈرالین کی 20 گولیوں کی نئی قیمت 192 روپے ہوگی جبکہ ملیریا میں استعمال ہونے والی کلوروکوئن کی قیمت 1077 روپے مقرر کی گئی ہے۔
نوٹیفکیشن کے مطابق کینسر میں استعمال ہونے والے انجیکشن بورٹیزومیب کی قیمت 17 ہزار 513 روپے ہے، انفیکشن میں استعمال ہونے والے زربیکسا کی قیمت 15 ہزار 356 روپے کر دی گئی ہے۔