اردوورلڈ کینیڈا ( ویب نیوز )جمنا میں پانی کی سطح بڑھنے سے سیلاب کا پانی رہائشی علاقوں میں داخل ہوا اور دارالحکومت تالاب میں تبدیل ہوگیا
بھارتی میڈیا کے مطابق جمنا میں پانی کی سطح آج دوپہر ایک بجے 208.62 میٹر تھی کیونکہ ہریانہ کے ہتھنی کنڈ بیراج سے دریا میں پانی چھوڑا جا رہا ہے۔ پانی کی موجودہ سطح خطرے کے نشان سے تین میٹر اوپر ہے۔
نئی دہلی کے وزیر اعلیٰ اروند کیجریوال نے مرکز کی بی جے پی حکومت کی جانب سے دریا میں پانی چھوڑنے کے خلاف احتجاج کیا اور دریا میں مزید پانی نہ چھوڑنے کا مطالبہ کیا۔ تاہم مرکز کی بی جے پی حکومت نے جواب دیا کہ اگر بیراج سے زیادہ پانی نہیں چھوڑا گیا تو ڈیم ٹوٹ جائے گا۔
Flood has caused massive devastation in northern India, now has reached Delhi – Modi left for Paris! pic.twitter.com/I8eTMulhmo
— Ashok Swain (@ashoswai) July 13, 2023
یاد رہے کہ نئی دہلی کے بلدیاتی انتخابات میں اس بار عام آدمی پارٹی نے بی جے پی کے 15 سالہ دور حکومت کا تختہ الٹ دیا۔ شاید یہی وجہ ہے کہ مودی حکومت دہلی میں سیلاب کا پانی چھوڑ کر اپنی بدترین شکست کا بدلہ لے رہی ہے۔
سیلاب کا پانی نئی دہلی کے وزیر اعلی اروند کیجریوال کے گھر اور اسمبلی ہال سے صرف 350 میٹر کے فاصلے پر ہے۔ بھارتی دارالحکومت میں معمولات زندگی ٹھپ ہو کر رہ گئے ہیں۔
دوسری جانب ریاست ہماچل پردیش میں مزید بارشوں کے باعث ہریانہ بیراج اوور فلو ہوگیا۔ پہاڑی ریاست میں مون سون کی بارشوں نے تباہی مچا دی۔ کئی مکانات گر گئے اور پل بہہ گئے۔
بھارت بھر میں چار روز سے جاری بارشوں میں مرنے والوں کی تعداد 100 سے تجاوز کر گئی ہے
