اردو ورلڈ کینیڈا ( ویب نیوز )صوبائی دارالحکومت میں سورج نکلتے ہی گرمی کی شدت میں اضافہ ہوگیا۔ شدید گرمی کے باعث مختلف علاقوں میں 3 افراد جان کی بازی ہار گئے جب کہ نشے کی زیادتی سے ایک شخص دم توڑ گیا۔
ایدھی ترجمان کے مطابق داتا دربار، لاری اڈہ اور گارڈن ٹاؤن کے علاقوں میں شدید گرمی کے باعث خاتون سمیت 3 افراد جاں بحق ہوگئے۔

پولیس کا کہنا ہے کہ داتا دربار پناہ گاہ میں شدید گرمی کے باعث 32 سالہ شخص جاں بحق ہوگیا۔ شدید گرمی کے باعث اس شخص کی موت ہو گئی۔
پولیس کے مطابق گارڈن ٹاؤن کوٹھا پنڈ میں 78 سالہ خاتون ہیٹ اسٹروک کے باعث دم توڑ گئی۔ جاں بحق ہونے والی خاتون کی شناخت 78 سالہ نسیمہ کے نام سے ہوئی ہے۔
ایدھی کے ترجمان نے بتایا کہ گلبرگ کے علاقے کلمہ چوک کے قریب 18 سالہ نوجوان، جس کی شناخت عبدالرزاق کے نام سے ہوئی ہے، منشیات کی زیادہ مقدار لینے سے جاں بحق ہوا۔
پولیس اور تفتیشی اداروں نے شواہد اکٹھے کرکے مختلف پہلوؤں پر تفتیش شروع کردی، پولیس اور فرانزک ٹیم کی کارروائی کے بعد لاشوں کو ایدھی ایمبولینس کے ذریعے مردہ خانے منتقل کردیا گیا۔