اردوورلڈ کینیڈا ( ویب نیوز)گرمی کے باعث ملک بھر میں بجلی کی طلب کئی گنا بڑھ گئی ہے جس کے باعث بجلی کا شارٹ فال 6 ہزار 765 میگاواٹ ہو گیا ہے۔
پاور ڈویژن ذرائع کے مطابق اس وقت بجلی کی مجموعی پیداوار 20 ہزار 235 میگاواٹ ہے اور ملک بھر میں بجلی کی طلب 27 ہزار میگاواٹ ہے جب کہ پن بجلی کی پیداوار 8 ہزار میگاواٹ ہے۔

ذرائع پاور ڈویژن کے مطابق سرکاری تھرمل پاور پلانٹس 520 میگاواٹ بجلی پیدا کر رہے ہیں، نجی شعبے کے پاور پلانٹس 7 ہزار میگاواٹ، رائیونڈ پاور پلانٹ ایک ہزار 225 میگاواٹ بجلی پیدا کر رہے ہیں، جب کہ پن بجلی کی پیداوار 8 ہزار میگاواٹ، نیوکلیئر پاور پلانٹس کی پیداوار ہے۔
ذرائع کا کہنا ہے کہ بجلی کا نظام اوور لوڈنگ کے باعث غیر اعلانیہ لوڈ شیڈنگ عروج پر پہنچ گئی ہے۔
پاور ڈویژن ذرائع کے مطابق ملک بھر میں 8 گھنٹے لوڈشیڈنگ کی جا رہی ہے۔
لیسکو میں ٹرانسفارمر، میٹر اور کیبلز نہیں ہیں جس کی وجہ سے صورتحال مزید خراب ہو گئی ہے۔
دوسری جانب کراچی کے مختلف علاقوں میں اعلانیہ اور غیر اعلانیہ لوڈشیڈنگ میں اضافہ ہوگیا ہے اور شہر کے بیشتر علاقوں میں 14 گھنٹے لوڈشیڈنگ کی جارہی ہے۔
ترجمان کے الیکٹرک کا کہنا ہے کہ شہر میں لوڈ شیڈنگ کے دورانیے میں کوئی تبدیلی نہیں کی گئی، لوڈ شیڈنگ کا شیڈول کے الیکٹرک کی ویب سائٹ پر موجود ہے۔