ishtiaq ahmed 
18
ارډدوورلڈ کینیڈا ( ویب نیوز)خیبر کے ضلع وادی تیراہ میںسیکورٹی فورسز کے آپریشن کے دوران 12 دہشت گرد مارے گئے۔
پاک فوج کے شعبہ تعلقات عامہ (آئی ایس پی آر) کے مطابق سیکورٹی فورسز نے 28 اور 29 اگست کو خوارج کے ٹھکانوں کو موثر انداز میں نشانہ بنایا، فائرنگ کے شدید تبادلے کے بعد فتنہ الخوارج کے 12 خوارج ہلاک ہوگئے۔
آئی ایس پی آر کے مطابق سیکورٹی فورسز وادی تیراہ میں انٹیلی جنس کی بنیاد پر وسیع آپریشن کر رہی ہیں، کارروائیاں 20 اگست سے خوارج کی موجودگی کی اطلاع پر کی جا رہی ہیں۔
ان کارروائیوں میں فتنہ الخوارج اور اس سے منسلک تنظیموں کو بڑا دھچکا لگا ہے، 20 اگست سے اب تک 37 دہشت گرد ہلاک جب کہ 14 دہشت گرد شدید زخمی ہوئے ہیں۔
آئی ایس پی آر کا کہنا ہے کہ علاقے میں پائے جانے والے دیگر خوارج دہشت گردوں کے خاتمے کے لیے کلیئرنس آپریشن جاری ہے۔
