اردو ورلڈ کینیڈا ( ویب نیوز )پاکستان تحریک انصاف کی ریلی کے دوران پولیس نے کارکنوں کو گرفتار کرنا شروع کر دیا۔
لاہور میں دفعہ 144 کی خلاف ورزی پر پولیس نے پی ٹی آئی کے کارکنوں کو حراست میں لینا شروع کر دیا ہے۔
پولیس کا کہنا ہے کہ کارکنوں کو زمان پارک کینال روڈ سے حراست میں لیا جا رہا ہے، زمان پارک میں واٹر کینن بھی پہنچا دی گئی ہے۔
واضح رہے کہ محکمہ داخلہ پنجاب نے لاہور میں جلسے، جلوس اور ریلی پر پابندی عائد کر رکھی تھی۔

محکمہ داخلہ کی جانب سے جاری نوٹیفکیشن کے مطابق لاہور میں احتجاج، دھرنوں اور مظاہروں پر بھی پابندی عائد کر دی گئی ہے۔
دوسری جانب پی ٹی آئی رہنما حماد اظہر نے میڈیا سے گفتگو کرتے ہوئے محکمہ داخلہ کے اس اقدام پر ردعمل دیتے ہوئے کہا کہ عمران خان کے خلاف 77 مقدمات درج ہیں، رانا ثنا لاشیں اور خون چاہتے ہیں

حماد اظہر نے کہا ہے کہ آج ہمارے جلسے میں لوگ بڑی تعداد میں شریک ہوں گے، یہ کیسے ہو سکتا ہے کہ 30 اپریل کو الیکشن ہوں اور آپ جلسہ منسوخ کر رہے ہوں۔

Source Link