عرب میڈیا کے مطابق متحدہ عرب امارات کی وزارت خارجہ نے ویزا سے مستثنیٰ ممالک کی فہرست میں ترمیم کی ہے جس کے مطابق اسرائیل اور بھارت سمیت 87 ممالک کے شہری بغیر پیشگی ویزے کے یو اے ای میں داخل ہو سکتے ہیں۔متحدہ عرب امارات کی وزارت خارجہ کی جانب سے جاری بیان میں کہا گیا ہے کہ ان ممالک کے شہریوں کو ایئرپورٹ پہنچنے پر 30 سے 90 دن کا ویزا فراہم کیا جائے گا جس میں مزید 10 دن کی توسیع کی جاسکتی ہے۔
رکن ممالک کو 30 اور 90 دن کا ویزہ آن ارائیول فراہم کیا جائے گا اس کی معلومات متحدہ عرب امارات کی آفیشل ویب سائٹ سے لی جا سکتی ہیں۔ ان ممالک کے شہریوں کو پیشگی انتظام کے تحت ملک میں داخل ہونے کی اجازت ہوگی۔بیان میں مزید کہا گیا کہ خلیج تعاون کونسل (جی سی سی) کے رکن ممالک کے شہریوں کو نہ تو داخلے کے ویزے کی ضرورت ہے اور نہ ہی کفیل۔
یو اے ای کی وزارت خارجہ کے مطابق جی سی سی ممالک کے شہری جی سی سی ملک کی طرف سے جاری کردہ پاسپورٹ یا شناختی کارڈ پیش کرنے کے بعد متحدہ عرب امارات کے کسی بھی ہوائی اڈے یا بندرگاہ پر پہنچنے پر ملک میں داخل ہو سکتے ہیں۔ہندوستانی شہریوں کو بھی متحدہ عرب امارات جانے کے لیے پہلے سے ویزا حاصل کرنے کی ضرورت نہیں ہوگی۔ انہیں ہوائی اڈے پر 14 دن کا ویزا فراہم کیا جائے گا۔
