235

اردو ورلڈ کینیڈا ( ویب نیوز ) انسانی جسم میں پروٹین کے کسی خاص جز کو بلاک کر دیا جائے تو چربی والی خوراک کھانے سے بھی وزن نہیں بڑھے گا اور میٹابولک توازن بحال رہے گا۔

ماہرین حیاتیات نے چوہوں میں پایا ہے کہ اگر پروٹین AMPK کے ایک جز SAPS3 کو جسم سے خارج کر دیا جائے تو زیادہ چکنائی والی خوراک کھانے کے باوجود توانائی کا توازن برقرار رکھا جا سکتا ہے۔

اس کے علاوہ، یہ تلاش موٹاپے، ذیابیطس، اور دیگر میٹابولک امراض میں SAPS3 کی روک تھام کو نشانہ بنا کر مدد کر سکتی ہے۔بہت زیادہ چکنائی کھانے سے کئی میٹابولک امراض کا خطرہ بڑھ جاتا ہے، لیکن ایسا کیسے ہوتا ہے اس کے پیچھے کا طریقہ کار سمجھ میں نہیں آتا۔
اب یونیورسٹی آف کیلیفورنیا، اروائن (UCI) کے ماہرین نے ایک اہم دریافت کیا ہے کہ زیادہ چکنائی والی خوراک کے منفی اثرات کو کیسے روکا جائے۔ یہ مطالعہ حال ہی میں سائنسی جریدے نیچر کمیونیکیشنز میں شائع ہوا تھا۔AMPK کا ایک جزو SAPS3 نامی غذائی چربی کے تحول میں اہم کردار ادا کرتا ہے۔
ماہرین نے چوہوں کے ایک گروپ کے جینوم سے SAPS3 کو خارج کر دیا اور انہیں 45 فیصد چکنائی والی خوراک کھلائی، جس کے نتائج تحقیقی ٹیم کے لیے بھی چونکا دینے والے تھے۔