اردو ورلڈ کینیڈا ( ویب نیوز ) اسمارٹ فونز کے بے تحاشہ استعمال کے باعث بالخصوص بچوں کی بینائی کو شدید خطرات لاحق ہوگئے ہیں۔ اس طرح بینائی کی خرابی اور آنکھوں کے امراض وبائی شکل اختیار کر رہے ہیں۔ اس سلسلے میں بعض پھل ہماری قیمتی آنکھوں کی حفاظت کرسکتے ہیں۔
ان پھلوں میں خاص طور پر گاجر، خوبانی، آم اور کھٹی پھل اور دیگر پھل اور سبزیاں شامل ہیں۔
کینو، نارنجی اور تربوز
گریپ فروٹ، کینو، نارنگی، تربوز، لیموں وٹامن سی سے بھرپور ہوتے ہیں۔یہ وٹامن سی آنکھوں کے کولیجن کو صحت مند حالت میں بحال کرتا ہے۔ اس کا مجموعی بصارت پر اچھا اثر پڑتا ہے۔کچھ مطالعات سے پتہ چلتا ہے کہ عمر سے متعلق میکولر ڈیجنریشن ( اے ایم ڈی ) بوڑھوں میں عام ہے۔ اے ایم ڈی سے بھی بچا جا سکتا ہے اگر اس کیفیت سے بچنے کے لیے مندرجہ بالا رس دار پھلوں کو روزمرہ کا حصہ بنا لیا جائے۔ واضح رہے کہ اے ایم ڈی کا کوئی موثر علاج نہیں ہے۔
یہ بھی پڑھیں
وہ غذائیں جو بچوں کی یادداشت کو بہتر بنا سکتی ہیں
خوبانی
بہترین خوبانی پاکستان میں اگائی جاتی ہے اور کم قیمت پر ملک بھر میں دستیاب ہے۔ وہ بیٹا کیروٹین سے بھرپور ہوتے ہیں۔ بیٹا کیروٹین ایک طرف بڑھاپے کو روکتا ہے اور دوسری طرف بینائی سے متعلق پورے نظام کو تنزلی سے بچاتا ہے۔خوبانی میں موجود زنک، کاپر، وٹامن سی اور وٹامن ای نہ صرف جلد کے لیے اچھا ہے بلکہ AMD کو بھی روکتا ہے۔ تو کیوں نہ اس لذیذ پھل کو اپنی زندگی کا حصہ بنائیں۔
مگر ناشپاتی (ایوا کیڈو)
ایوکاڈو اب پاکستان میں بھی دستیاب ہے۔ اومیگا فیٹی ایسڈز کی وجہ سے اسے ‘سپر فوڈ بھی کہا جاتا ہے ، ہر ماہ ایوکاڈو کی کوئی نہ کوئی خاص خصوصیت سامنے آتی ہے۔لیکن یہ بے ذائقہ پھل آنکھوں کے لیے بھی اچھا ہے۔ یہ lutein اور zeaxanthin نامی مرکبات سے بھرپور ہوتا ہے، جو آنکھوں کو نقصان دہ بالائے بنفشی روشنی سے بچاتا ہے اور بینائی کی حفاظت کرتا ہے۔
مزید پڑھیں
جگر کے لیے نقصان دہ غذائیں جو ہم شوق سے کھاتے ہیں
پپیتہ
پیپتہ ایک نظر انداز پھل ہے جو ہر جگہ کم قیمت پر دستیاب ہے۔ یہ بلڈ پریشر کو نارمل رکھتا ہے اور دل کا محافظ بھی ہے۔ پپیتا صبح نہار منہ کھانے سے بلڈ پریشر اور دل کی بیماریاں کم ہوتی ہیں۔لیکن یہی پپیتہ ایک طرف جلد کے لیے اہم ہے تو دوسری طرف اس میں موجود کئی معدنیات اور مرکبات آنکھوں کے لیے مفید ہیں۔ایو کیڈو کی طرح یہ بھی لیوٹین اور زیکسینتھین نامی مرکبات سے بھرپور ہے۔ یہ آنکھوں کے لیے قدرتی سن بلاک کے طور پر کام کرتے ہیں اور ریٹنا کی حفاظت کرتے ہیں۔ اس کے علاوہ یہ آنکھوں کو نقصان دہ الٹرا وائلٹ حملوں سے بھی بچاتا ہے۔
گاجر
گاجر وٹامن اے سے بھرپور ہوتی ہے اس میں بیٹا کیروٹین کی بڑی مقدار ہوتی ہے۔ اگر جسم میں وٹامن اے کی کمی ہو تو یہ لامحالہ بینائی کو کمزور کر دیتا ہے۔ وٹامن اے کی وجہ سے اسے غریب آدمی کا سیب بھی کہا جاتا ہے۔گاجر کا رس آنکھوں کی حفاظت کرتا ہے اور خاص طور پر بچوں کے لیے مفید ہے۔
آم
آم وٹامن اے، لیوٹین اور زیکسینتھین سے بھرپور ہوتے ہیں۔ کچھ مطالعات سے معلوم ہوا ہے کہ آم خشک آنکھوں کو ٹھیک کرنے میں کارآمد ہیں آم ایک غذائیت سے بھرپور پھل ہے اور فوری توانائی فراہم کرتا ہے لیکن اس میں موجود متعدد اینٹی آکسیڈنٹس بینائی کے لیے بہت فائدہ مند پائے گئے ہیں۔
