اردو ورلڈ کینیڈا ( ویب نیوز ) ایڈون کاسترو نےنومبر 2022 میں، لاس اینجلس سے جیتنے والا پاور بال لاٹری ٹکٹ خریدا، لیکن ان کا نام 14 فروری کو عوام کے سامنے آ گیا۔
ایڈون کاسترواس ایوارڈ کے نتیجے میں دنیا کے 1292ویں امیر ترین شخص بن گئے ہیں۔ ان کا نام عوام کے سامنے ظاہر کرنے کی وجہ امریکی ریاست کیلیفورنیا کا قانون ہے جس کے تحت لاٹری جیتنے والے کا نام ظاہر کیا جاتا ہے۔
حکام کے مطابق ایڈون کاسترو عوام میں نہیں آنا چاہتے اور انہوں نے اپنی عمر، پیشہ یا دیگر تفصیلات جاری کرنے سے انکار کر دیا ہے۔تاہم حکام کے نام ایک بیان میں ایڈون کاسترو نے کہا کہ وہ ایوارڈ جیت کر حیران اور پرجوش ہیں۔
انہوں نے کہا کہ وہ کیلیفورنیا کے پبلک اسکول سسٹم کے سابق طالب علم ہیں اور ان کی انعامی رقم میں سے 150 ملین ڈالر سے زائد رقم تعلیمی نظام کے لیے عطیہ کی جائے گی۔
یہ انعامی ٹکٹ فروخت کرنے والی دکان کے مالک کو 1 ملین ڈالر کا بونس بھی دیا جائے گا۔امریکہ میں پاور بال لاٹری کے فاتحین کے پاس 30 سالانہ اقساط میں یا فوری طور پر اپنی رقم نکالنے کا اختیار ہے۔
ایڈون کاسترو نے فوری طور پر واپسی کے آپشن کا انتخاب کیا، لیکن اس کے نتیجے میں ٹیکس کے لیے انعامی رقم کی بڑی کٹوتی ہوئی۔اس آپشن کی وجہ سے ان کی انعامی رقم 2.04 بلین ڈالر سے کم کر کے 997.6 ملین ڈالر کر دی گئی۔
