ishtiaq ahmed 
اردو ورلڈکینیڈا ( ویب نیوز)سعودی عرب سمیت خلیجی ممالک میں آج عید الاضحیٰ منائی جا رہی ہے۔ مسجد الحرام اور مسجد نبوی میں نماز عید کے روحانی مناظر دیکھنے کو ملے۔
نماز عید میں شاہی خاندان کے افراد، علمائے کرام اور شیوخ نے شرکت کی، نماز عید کے اجتماعات میں احتیاطی تدابیر پر مکمل عمل کیا گیا۔
اس موقع پر اسلام کی سربلندی، امت مسلمہ کی سلامتی اور ترقی کے لیے خصوصی دعائیں کی گئیں۔
دوسری جانب مطاف میں عازمین کا طواف معمول کے مطابق جاری رہا۔
قبل ازیں عازمین کے قافلے وقوف عرفہ اور مزدلفہ میں رات گزارنے اور فجر کی نماز ادا کرنے کے بعد منیٰ پہنچ رہے تھے۔ عید الاضحیٰ کے پہلے روز عازمین کی جانب سے رمی کی گئی
جس کے بعد عازمین اپنا وقت عبادت میں گزاریں گے۔ قربانی کے بعد حجاج اپنے سر منڈوائیں گے اور حالت احرام سے باہر آئیں گے۔ طواف کے بعد عازمین منیٰ میں رات گزاریں گے۔
