اردوورلڈ کینیڈا ( ویب نیوز)عیدالاضحیٰ قریب آتے ہی ملک کے مختلف شہروں میں مویشی منڈیاں سج گئی ہیں۔

ملک کے مختلف شہروں میں منڈیاں سجی ہوئی ہیں تاہم ان منڈیوں میں خریداروں کا تناسب بہت کم ہے، منڈیوں میں جانور تو بہت ہیں لیکن خریدار کم ہیں، عید میں چند دن رہ جانے کے باوجود زیادہ رش نہیں ہے۔

منڈی میں خریداروں کی کم تعداد کی وجہ جانوروں کی آسمانی قیمتیں ہیں جس نے خریداروں کو پریشانی میں مبتلا کر دیا ہے جب کہ بیوپاریوں نے منڈی میں مہنگا  جانور ہونے چارہ مہنگا ہونے پر افسوس کا اظہار کیا ہے۔

سکھر کی مویشی منڈی میں بھگنادی بیلوں کی قیمت 4 لاکھ روپے مقرر کی گئی ہے۔ گوجرانوالہ میں کھیالی کے بیوپاریوں نے بکروں کی فروخت کا الگ  ٹھکانہ لگا رکھا ہےلیکن بڑھتی مہنگائی کے باعث جانوروں کی قیمتیں اتنی ہیں کہ افورڈ ایبل نہیں جس کے باعث عام شہری شدید مایوسی کا شکار ہیں جبکہ بیوپاریوں کا موقف ہے کہ مہنگائی اتنی ہے تو ہم اپنے مویشی کیسے سستے داموں فروخت کردیں۔