اردوورلڈ کینیڈا ( ویب نیوز)الیکشن کمیشن نے ملک میں آئندہ عام انتخابات کے حوالے سے ملک کی تمام بڑی سیاسی جماعتوں سے مشاورت کا فیصلہ کیا ہے۔

ذرائع کے مطابق الیکشن شیڈول اور الیکشن کی تاریخ کے حوالے سے سیاسی جماعتوں سے مشاورت کی جائے گی، الیکشن کمیشن سیاسی جماعتوں سے الگ الگ مشاورت کرے گا۔

الیکشن کمیشن آئندہ الیکشن کے روڈ میپ پر مشاورت کرے گا، الیکشن کمیشن حلقہ بندیوں اور ووٹر لسٹوں کے معاملات پر بھی مشاورت کرے گا، سیاسی جماعتوں سے الیکشن کمیشن کی ملاقاتیں آئندہ چند روز میں شروع ہوں گی۔

ذرائع کے مطابق الیکشن کمیشن مسلم لیگ ن، پاکستان پیپلز پارٹی، پاکستان تحریک انصاف، ایم کیو ایم، جماعت اسلامی، اے این پی، جے یو آئی ف سمیت تمام بڑی سیاسی جماعتوں سے مشاورت کرے گا۔