چیئرمین پی ٹی آئی پر فرد جرم عائد کرنے کے لیے الیکشن کمیشن اور چیف الیکشن کمشنر توہین کیس کی سماعت ہوئی۔
چیئرمین پی ٹی آئی کے وکیل شعیب شاہین نے کہا کہ چیئرمین پی ٹی آئی کو سکیورٹی کا بہانہ بنا کر دیگر عدالتوں میں پیش نہیں کیا جارہا، پروڈکشن آرڈر جاری کریں تاکہ چیئرمین پی ٹی آئی یہاں پیش ہوں۔
رکن سندھ نثار درانی نے کہا کہ چیئرمین پی ٹی آئی پہلے یہاں نہیں آتھے تھے، اب پروڈکشن آرڈر مانگ رہے ہیں، آپ شو کاز نوٹس کا جواب جمع کرائیں، ہم پروڈکشن آرڈر جاری کریں گے اور سیکورٹی کے لیے آئی جی جیل خانہ جات کو لکھیں گے۔
ممبر بلوچستان شاہ محمد جتوئی نے کہا کہ ہم چارج لیں گے۔ کمیشن نے کیس کی سماعت 24 اکتوبر تک ملتوی کر دی۔